KHUTBA IDULFITRI

Khutbah Idul Fitri

السلام عليكم ورحمة الله وبركاته

اللهُ أَكْبَرُ اللهُ أَكْبَرُ اللهُ أَكْبَرُ ×9.  اللهُ أَكْبَرُ كَبِيْرًا وَاْلحَمْدُ للهِ كَثِيْرًا وَسُبْحَانَ اللهِ بُكْرَةً وَأَصِيْلاً، لاَ اِلَهَ اِلاَّ اللهُ، اللهُ أَكْبَرُ. اللهُ أَكْبَرُ وَللهِ اْلحَمْدُ.

اَلْحَمْدُ للهِ الَّذِى أَنْزَلَ اِلعِيْدَ ضِيَافَةً لِلأَنَامِ وَجَعَلَهُ مِنْ أَكْرَمِ شَعَائِرِ اْلإِسْلاَمِ. أَشْهَدُ أَنْ لاَ إِلهَ إِلاَّ اللهُ وَحْدَهُ لاَ شَرِيْكَ لَهُ الَّذِى جَعَلَ رَمَضَانَ شَهْرَ اْلبِنَاءِ. وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُوْلُهُ. اللَّهُمَّ صَلِّ وَسَلِّمْ وَبَارِكْ عَلَى هَذَا النَّبِيِّ اْلكَرِيْمِ وَعَلَى آلِهِ وَأَصْحَابِهِ أَجْمَعِيْنَ. أَمَّا بَعْدُ،

فَيَا عِبَادَ اللهِ، اِتَّقُوْا اللهَ وَكُوْنُوْا مَعَ الصَّادِقِيْنَ.

Kaum muslimin dan muslimat sidang jamaah idil fitri yang berbahagia.

labeniro uleng ramalang temmasimang nalao, temmapermisi makkedde, temmakoling lisu paimeng, rigau de’napa natemmu taungge, samanna iya risedding melomopi makkasiwiyang ri lalenna uleng ramalang nasaba maegana hikma natampu koritu, pada – padanna, mabaca akorangnge 30 jus, nade’ nariulleh biasana ipigau risaliwennae uleng ramalang, engkaki mellau dowang ri puang allahu taala samannaiha rirasakan natarima lempui puang allahu taala parelalu dowangetta, engkaki siabere jamakeng, massikampong, nato siruntu – runtu sahabata iya mabalalae , iyaregga de’ namabiasa ri ewa siruntu sangadinna rilalennna uleng ramalang, jaji messe babuata isedding nasaba mabbokoni uleng ramalang nade’apo ri iseng engkamikiga rapi’I uleng ramalang mangoloe

Kaum muslimin dan muslimat sidang jamaah Ied yang berbahagia.

Mapaccingngi Puang Allah Ta'ala, Puang pancajiengngi alangnge lollollise, Puang pancajiangngi langie massusungeng nanabelo-beloi nasaba majjuta-jutana ana wettoeng  macora ,maccayya  ri wennie, uleng maccayya mancaji lampu ri atanna, iyya de'e gaga tau mullei mebbui pada-padanna, koromai tajangiwi sininna alangnge. Napancajingekki mata esso naripake sappai dalle hallalatta, maganaro peddina pappenedditta benegnge simata pettammi bawang matteru-teru. Naiyya kiya Puang Allah Ta'ala maraja akkamase ri atanna, gangkanna naweressiki sulo mattappa sarekko ammengngi namanyameng pappeneddinna atanna, naekiya magaiha rupa tauwe nade namaelo sukkurukiwi pabberena Puangnna. Magamaniha natea pasujui rupanna ri Puang Allah Ta'ala.

Wah… arogingeng paha! napunnai tau tetta-tettangengngi puasa ramalangnge, nade napapolei pakkasiwiyyangnge ri Puang Allah Ta'ala, gangkanna napappada-padamui uleng ramalang sibawa tania uleng ramalang. Nasaba uleng ramalang mamadai ladde batena maelo padecengiki, gangkanna natimpakekki babanna surugae, naiditomaniha rupa tauwe tea muttamaiwi, natutukekki babanna naranakae naiditomaniha rupa tauwe maelo muttamaiwi, natikkengekki bali marajata iyanaritu setangnge naekiya iditomaniha rupa tauwe maelo mallappessangngi.

Sininna umma selleng malebbi engkae hadere.

Uleng ramalang, uleng mapaccing, uleng nataroe Puang Allah Ta'ala lolloi sininna dosata, uleng natellae Nabitta Muhammad saw. uleng pammase nenniya uleng pappenyameng, nanigi-nigi tau papole pakkasiwiyyang rilalenna, majeppu mattentuni riamasei ri Puang Allah ta'ala nenniya ripanynyameng-nyameng toni ritu ri lalenna suruga pammasena puang Allah Taala

Upe’ppaha, asarongeng paha nenniya asaukininnawangep’ paha napunnai tau makkasiwiyyangnge siuleng kalepu ri lalenna uleng ramalang, rigau engkana passukkui puasana nenniya tarawena, nasaba denagaga pamale'na sangadinna suruga pammasena Puang Allah Ta'ala. Makkedai Nabitta Muhammad saw

.

إنَّ فِى اْلجَنَّةِ بَابًا يُقَالُ لَهُ الرَّيَّانُ يَدْخُلُ مِنْهُ الصَّائِمُوْنَ يَوْمَ اْلقِيَامَةِ لاَ يَدْخُلُ مِنْهُ أَحَدٌ غَيْرُهُمْ، يَقُوْلُ: أَيْنَ الصَّائِمُوْنَ؟ فَيَقُوْمُوْنَ فَإِذَا دَخَلُوْا أُغْلِقَ فَلَمْ يَدْخُلْ مِنْهُ أَحَدٌ.

Majeppu engka babanna suruga riaseng "Arrayyan" naola pada muttama pappuasae matti ri esso rimunrinna Puang Allah Ta'ala, nadegaga muttamaiwi sangadinna pappuasae makkedai Puang Allah Ta'ala, tega manenni pappuasae? Aga nakkattettongeng manenna pappuasae muttama ri suruga. Narekko  pada muttama manenni ritutu'ni ritu, nadena gaga wedding muttamaiwi seddi tau rilainnae pappuasae.

Hadirin hadirat jamaah Idul Fitri yang berbahagia.

Wah… acilakappaha, asajureppaha, abinasangeppaha napunnai tau passia-siaengngi wettunna rilalenna uleng ramalang, tau simata mammatu-matue tobakengngi dosana. Nasengngi kapang alena maelo tuwo batu ri lalenna lino. Tau makkuaero nasarimiha alena ri abinasangnge ri lalenna uleng ramalang, napugaumi anu nacaccae Puang Allah Ta'ala, nalulumi sininna nappesangkangnge Nabitta, napero-pero manemmi sininna pappasenna topanritae, nalluta-luta manemmi sininna amanana tomapparentae, naluta  nataruammi pangajana tau pajajianna, natenna jampanginiha pappa ringerranna silessureng sellenna, narekko rijellokengngi laleng madeceng majeppu hawa nafsunnami menre, narekko ripasangkaiwi pogaui gau maja, nasemmi alena ripakasiri.

Tau makkoero sipa'na, talinge memenni makkokkoe, toba' memenni, sessekeng ' memenni aleta, paterri-terri memenni matatta tobakememeni atassalatta, pangolo memenni rupatta ri Puang Sewwae, nasaba pasti siruntukki Malakul Maut nauddu  nyawata, nanatiwiki mangolo ri Puang Sewwae Qadhi Rabbul Jalil. Nasaba pangobbinami iblis muturusi, pattampanami setangnge muaccinrolai, cinna napsuttami iturusi, jaji sibawano ri lalenna ranaka paccallanna Puang Allah Ta'ala.

Napannessangekki Puang Allah Ta'ala ri lalenna akorang malebbie makkedae:

{وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالْإِنْسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ ءَاذَانٌ لَا يَسْمَعُونَ بِهَا أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ} (الأعراف: 179).

Majeppu kisariwi ri lalenna ranaka jahannama maegae bangsa jin nenniya rupa tau, nasaba pada punnai mennanro ati nade napakei mappahang, nenniya pada punnai mennanro mata nade nakkitangngi, nenniya pada punnai mennanro dauccili nade narengkalingangngi ritu. Iyyana rekkoero padai kedudukanna olokoloe bahkan lebbi pusapi naiyya olokoloe, iyya mennanro tau takkalupa mannennungeng.

اللهُ أَكْبَرُ، اللهُ أَكْبَرُ، اللهُ أَكْبَرُ، وَللهِ اْلحَمْدُ.

Uleng ramalang uleng malebbi, uleng mapaccing, uleng mabbarakka, uleng pammase, bahkan uleng asaukininnawangenna tau matepp,e metaue, nasaba tampu'na siagae egana deceng, naekiya engkaniro mabboko temmassaile, mengucapkan selamat tinggal bagi orang mukmin dan muslim yang taat maupun yang durhaka dan telah menyaksikan amal perbuatan kita, siang dan malam, selama satu bulan. Riebarai kappala engkaniro mattola laloangngi puasana, tarawena, sumbanganna kuwaetopa amala madecenna tau makkarana Allae simata-mata. Narigau engkana mellau pammase ri Puang Allah Ta'ala, nainappa nataro ri onrong kaminang makessingnge rimakkedanai Puang Allah Ta'ala:

,

كُلُّ عَمَلِ ابْنِ آدَمَ لَهُ اِلاَّ الصَّوْمَ فَإِنَّهُ لِى وَأَنَا أَجْزِى بِهِ.

Tungke-tungke amalana' ana eppona Adam, nappunnangi manemmui sangadinna puasae, majeppu ritu puasae iyya mua mpale riyalei.

Paimeng makkedai Nabitta saw.:

فَمَنْ صَامَهُ وَقَامَهُ إِيْمَانًا وَاحْتِسَابًا خَرَجَ مِنْ ذُنُوْبِهِ كَيَوْمِ وَلَدَتْهُ أُمُّهُ.

Nigi-nigi mappuasangngi essona nenniya nattarawengengngi wenninna uleng ramalang sikira teppe nenniya ikhlas karana Allah, messuni pole ridosana pada-pada ri esso rijajianna ri indo'na.

Narimakkuanna naro iyyae essoe engkani'tu mapaccing pole ri dosata, nasaba purana ritobakeng ri lalenna uleng ramalang. Naekiya aja' lalo naompo ri nawa-nawatta nenniya aja' lalo naettokengngi ati makkedae. Labe'niro uleng ramalang taro toni upalabe amala madecengnge, nasalaini'ro uleng ramalang taroni usalai makkasiwiyyang lao ri Puang Allah Ta'ala, mabbokoniro taro toni wabbokori masigie, taroni wabbokori sumbangangnge. Iyyae essoe tomalleppe'na, taroni uleppe sujadakku, taroni uleppe bowokku, taroni uleppe pakeang sempajakku, taro upaleppe passiona setangnge, wewai sibawa papole adorakangnge ri Puang Allah Ta'ala. Nauleng ramalang paemeppasi naritobakeng nenniya ramalang mangoloepasi natosiladde mebbu amala' madeceng.

Ateka bangsana iyyae, de' sise-ssiseng nawedding napake tau nasengngengngi alena selleng, nasengngengngi alena tau mateppe, nasaba siaga egana tau maelo rattei uleng ramalang naekiya, narattei passuke'na, nalele ripammasena Puang Allah Ta'ala. Iyanaro saba'na nakkeda Pangulutta ra.

خَسِرَ اْلمُسَوِّفُوْنَ، خَسِرَ اْلمُسَوِّفُوْنَ، خَسِرَ اْلمُسَوِّفُوْنَ.

Rogiwi tau mappattanjengnge, sajui tau mappattempoe, sapu ripalei tau mammatu-matue.

Makkedai tau riolota: aja mupattanjengngi jama-jamammu ri matu'na, bajana, sengadinna niya mempana, nasaba pede matu'i  pede mammatu matuko, baja de bajanna, sengadi sengadi nappai, mempa mulempani bellemu, mutekei dosamu, muabbowongngi asajuremmu.

اللهُ أَكْبَرُ، اللهُ أَكْبَرُ، اللهُ أَكْبَرُ، وَللهِ اْلحَمْدُ.

Kaum muslimin dan muslimat jamaah Idul Fitri yang berbahagia.

Iyyae essoe esso asaukininnawangetta idi umma sellengnge, tau mateppe'e, tau metau'e ri Puang Allah Ta'ala, nasaba puranana ritahang hawa nafsutta pole ri anrewe nenniya riinungnge siuleng kalepu. Naekiya iyyae essoe naharangettosi Puang Allah Ta'ala tomappuasa sarekkoammengngi naripassau cinnata manrei nenniya minungngi iyarega manynyame-nynyamengiwi pappenyameng hallala'na Puang Allah Ta'ala.

allahu akbar 3x

rilalenna iya essoe- esso allepereng pittara pada engkaki merennu nenniya sau kininnawa, pada mitai ana’ta buana atitta cayyana matatta intang mabborong – mporongenna rahasiata pada engkai irita mario marennu pada pakei pakea mabarunna, de’na masussa irita, makkotoro paimeng sijing selletta pada engkai duppai iyya esso rigau pada mappassdiya koritu maddupa – rupang anre, guna untuk pakarajai esso allepeerange.

tacobani gare pada mattangnga lao ri silessuretta pakkere’E nenniya misikingngE, risesena iyya essoe adalah merupakan hariyang paling pedi dirasakan oleh mereka, nasaba melo matoi pada idi naiyya kiuya totona kasi mancaji tau peddi, tau kasia yasi, jaji engkai duppai iyyae essoe nasaba uwae mata dengan perasaan puli hati yang luka karena serba tidak ada, taconbani pikkiriki, ripalisu lao rialeta naritai aleta makkadae magaharo narekko idi makkotoro, nari makkuannaro idi tosi nawereng pallebireng puang allah taala, maka sisipkan sebahagian dari apa yangdiberikan allah swt kepada kita, demi menolong sesama sekaligus meringankan bebean penderitaan yang tak kunjung berakhir yang dirasakan oleh saudara kita yang tak punya.

makkotoro paimeng ana’ biu – biuE teng indo – teng ambo mereka tak punya baju baru pemberian ibu tak punya celana baru pemberian ayahtak ada sepatu baru pemberian amandengan hati yang pilu mitai ana’na taue pada mario marennu menghamburkan uang sebagai ungkapan kegembiraan merayakan hari ini, naiyya kiyya kasi ana’ biu – biue mereka merayakan dengan hati pilu serta perasaan sedi hati teriris, air mata berlinang melo’ matoi pada ana’na taue naiyya kiya kega kasi monro mangolo marellau nasaba ambo indo’na leleni ripammasena puang allahu taala,

rilalenna iya essoe pada laoni mai pada ipikkiriki totona ana’ biu – biue naripalisu nenniya pada itanai aleta de’gaharo to madosa narekko riajjai temmitai, bahkan taniya toga idi gau bawangngi sikira – kira akkaceccengeeng ri warang parangng. agana ri pasaju’na kasi aga naengkani kawang ritengngana bombang peddie nalabuna ritasi uwae matae . aja laloki naengka pada miy\tai bawangngi manrasa – rasa. pada ripalisu lao ri aleta makkadae magaharo narekko anatta mappakotoro ri monri mateta, nasaba iya manennaharo merupakan tanggunga jawab kita bersama, tapa malai sara nari bantu sesuai dengan kemampuatta, nasaba nabitta nacacca ladde tau engkae de’ najampangi ana biu – biue, aja ammana idi nakenna ada puang allahu taala

|M÷ƒuäu‘r& “Ï%©!$# Ü>Éj‹s3ムÉúïÏe$!$$Î/ ÇÊÈ šÏ9ºx‹sù ”Ï%©!$# ‘í߉tƒ zOŠÏKuŠø9$# ÇËÈ Ÿwur Ùçts† 4’n?tã ÏQ$yèsÛ ÈûüÅ3ó¡ÏJø9$# ÇÌÈ

1.  Tahukah kamu (orang) yang mendustakan agama?

2.  Itulah orang yang menghardik anak yatim,

3.  Dan tidak menganjurkan memberi makan orang miskin.

essoe esso assiyamase-masengeng nenniya esso assiaddampeng-dampengetta, jaji pada nesseriki pasisompungngi lolota, pasisompungngi hubungatta paimeng, iyyae purae pettu siagae ettana, nesseriki siaddappeng-dampengeng siajing selletta, pada-padanna idi massilise bola, idi massilise kampong, mabbalibola, terutamani lao ri tau duwae pajajiatta.

Sininna tomatua malebbi, selessureng malebbi engkae hadere.

 Naulle mabiasa manenni riangkalinga makkedae iyyaro suruga koi riyawana pale kajena indo'ta monro, padatoha makkedana Nabitta saw.

اَلْجَنَّةُ تَحْتَ أَقْدَامِ اْلأُمَّهَاتِ.

Naiyya surugae koi riyawana palakajena indo'e.

Jaji alitutui laloi aleta pole ridosa  riindo ambotta, naiyyanatu tau duae pajajiatta makere ladde rionroi madoraka, yatonatu tau duae pajajiatta ritella puang mallinota. Nasaba seandainya engka wedding risompa ri laennae puang Allahu ta’ala tomatuatta’na sitinaja risompa, nekkia degaga wedding risompa ri lainnae Puang Allhu Ta’ala jaji appedecengmaniki bawang lao ri alena. Tentu pada mabiasani riengkalinga adanna tau riolota makkedae: Naiyya tau madorakae ri tau duae pajajianna Agi-agi nakkatenning iyyato marunrung, agi-agi nakkallejja iyyato maruttung, mapokka pinceng putei, mareppa ittello-i, maccolli teccokkonngi, temmitai parumpajang lettu paddimunrinna, ri lino temmadeceng ri ahera temmammukka.

Nennia rirampetoi ri seddie riwayat nennia kissa makkedae naiyya baunna suruga riemmau memenni ri allalengeng 500 e taung, niyya tosi tau madorakae ri tau duae pajajiannah namuni baunna suruga deto naullei memmaui, mabela ripuadani  maelo tamaiwi. Taengngerangngi gare anrsa-rasana indotta riwettua natampu’ta,  kurang lebbi asera uleng seppulo essona ri panrasa-rasa indo’ta, ripassala-salang kasi jokkana, anrena temmassipa, tinrona temmanyameng nennia enunna temappasau dekka, indo’ta kasih riwettunna natampukki.  Nainappa najajiassiki nasaba anrasa-rasang, ressa ri yase’na ressa’e napeneddingi indo’ta wettunna najajiakki, naseng tauwe taggattungngi siwali ajena ri calorinna kubburu’e yatu indo’ta wettunna najajiakki, bettuanna pallawangenna tuoe nennia amatengnge narasakang indo’ta ri wettu najajiatta. De nagangka komiro anrasa-rasana indo’ta  kasih, napasususiki indo’ta kurang lebbi dua taung ettana. Padatoha makkedana puang Allahu ta’alah ri lalenna akorang malebbi’e:

وَوَصَّيْنَا اْلاِنْسَانَ بِوَالِدَيْهِ حَمَلَتْهُ اُمُّهُ وَهْنًا عَلَى وَهْنٍ وَفِصلُهُ فىِ عَامَيْنِ اَنِ اشْكُرْلِى وَالِوَلِدَيْكَ الى اْلمَصِيْرُ.

Pura kiparentaiyyangngi ri rupa taue sarekkoammengngi pada mappedecengngi ri tau duae pajajianna, ritampu’i ri indo’na nasaba anrasa-rasang, nennia ripasusui lebbi dua taung, sarekkuammengngi musukkurukika nennia musukkuruki tau duae pajajiammu nenniya riiyya onrong alisungemmu.

Umma selleng malebbi.

Nalebbirengngi alena sala narekko tujumuki idi lapong ana, namuni mattengnga kasih memme tinrona indo’ta narekko nengkalingaki Terri moto’si pasusuki, nacapu campakki, natojakki nennia nakkelong-kelongekki gangka matinrota. Bahkan lettukki battoa maraja tette’i simata nalitutuiki.

makkotoro paimeng anrasa – rasanna ambo’ta de nakkada pella, de’nakkada bosi naluta maneng, jokka lao sapparengki dalle halala, nasaba melo mitai pada toha ana’na tau,

Iyyanaro kapang saba’na nakkeda taue: Wae susu sitetti’na bawang indo’ta de-rullei mpale’i, roja siwenninna bawang indo’ta de narulle mpale, rijujung yaregga risoppoi menre tanah marajae de to bajang seimbang jasa-jasana indo ambotta lao ri idi ana-e. Namagapi kira-kira nainappaki maelo mappedeceng lao ri tau duae pajajiatta, magapi kira-kira nainappaki maelo mellau addampeng ri tau duae pajajiatta, Na biasa ladde riengkalinga mangolli tau duae pajajiatta nade naribali, ribalisi taniasi pappebalinna ribalingengngi. Jaji riwettu engkana mupa tau due pajajiatta makkokkoe appedeceng laloni, ellau addampeng memenni. Nasaba aja akka ammani nappaki maelo mappedeceng na  deni gaga indotta, ajakkammani nainappaki maelo mellau addampeng matepi indo-ambotta. Jadi selagi kita masi bersama dengan mereka Berbuat baiklah dan minta ampunlah kepada mereka.

Allahu akbar, Allahu akbar, Allahu akbar Walillahil Hamd

Tentu pada marissengeng riseseta makkedai tau riyolota: Peddi temmaka-makaha pale ana de-e gaga indo ambo’na, malasa tenrijampang, mate tenriwalung, riwalusi daung loka, rilemme gangka uttu nakeasi bawi, engkasi nasesa bawi riparitimpo-timposi nanresi bebbu, engkasi nasesa bebbu ri pale limasi naluuturessi anging naccappa’na riwaya’na.

Cobai gare tabayangkangngi seandaina engka sewwa wettu macaiki ri tau duae pajaiatta nainappaki lao sompe sappai pappedalle’na puang Allahu ta’alah nade nawedding mattujung jama-jamatta, agi-agi rijama iyato massala-salang. Monroki mattaung-taung ettana ri asomperetta amuni anreta deto rullei pasirapi’i. Gangkanna riengngeranni nennia isadarini makkeda naulle yaro nassabari nasaba isalai tau duae pajajiatta rigau engkana macai lao ri idi, aga namaelo’ni lisu mellau addampeng lao ri alena sarekkoammengngi weddinngi mattujung jama-jamatta. Tetapi riwettu lettu’ta riyolo bolata naduppaiki benera mapute tettong riyolo bolata nasibawai dua tellu tau maddeppungeng ri bolata. Aga naduppaini silessuretta nainappa nasilaongekki menre ribolae matteru rituju mata seddie tau leu lenne ribombo watakkalena nennia rupanna nasaba lipa, aga ritimpa’ni rupanna ternyata indo’ta, ambo’ta pale mate rigau engkana de rissengngi. Nasalaini indo’ta, nasaalaini ambotta rigau de nasempa mellau addampeng lao ri alena, de tosempa meppedeceng lao ri alena, nappaki sedding maelo mappedeceng lao ri indo ambotta na denigaga. Jadi sebelum hal tersebut terjadi pada kita marilah kita senantiasa berbuat baik kepada ibu bapak kita, marilah kita

marilah kita senantiasa berbuat baik kepada ibu bapak kita, marilah kita memperbaiki kembali hubungan dengan ibu bapak kita yang telah rusak, marilah kita menyambung kembali silatur rahmi dengan ibu bapak kita yang suhad terputus, marilah kita senantiasa minta ampun kepada kedua ibu bapak kita. Agar kita biasa hidup tenang, hidup tentram dan damai di dunia ini.

Jaji idi engkaemopa tau duae pajajiatta, engkae mupa indo ammbo’na appedeceng memenni makkukkue, ellau addampeng memenni yae essoe, nasaba baja sangadie, minggu pemeng yaregga uleng pemeng, taung pemeng yaregga wettu-wettu mangoloe pasti sisalaiki, narekko tania alena lebbi riolo salaiki pasti idi lebbi riolo salaiwi. Tapi idi pale de-enna gaga tau duae pajajiatta taellau doangemmani bawang asalamakenna iyya dua ri laleng kobburu lettu ri esso rimunnrinna puang Allahu ta’alah nennia taewai siwollom-pollong madeceng tau napojie ri wettunna tuo insya’ Allah engkanittu termasuk mappedeceng lao ri alena iyya dua. 

Allahu akbar, Allahu akbar, Allahu akbar Walillahil Hamd

Tomatua malebbiku nennia silessureng malebbiku engkae pada mattumaning ri puan Allahu ta’alah.

Jaji narimakkuannaro narekko topada lisuna matu pole ri alleppereng fittaratta lao ri bola tudangetta, aja natomatteru tudang narekko de tapura mellau addampeng lao ri Tau duae pajajiatta, Tampeai’i lima mapaccinna riewai majjama-jama nainappa riemmau mellau addampeng lao ri alena makkeda ; Taddampengekka kasih indo sininna dosa-dosaku, taddampengekka kasih ambo sininna dosa-dosaku lao ri idi. Narekko purani mellau addampeng lao ri indo ambotta nainappasi mellau addampengki lao ri sininna lise bolata, keluargata, bali bolata, sikampotta, sompu lolota nennia ripadatta rupa tau. Nainappani mapaccing tongeng-tongengki pole riyamanenna dosae, baik dosata ri puang Allahu ta’alah makkotoro paimeng dosata ripadatta rupatau terutama dosata ri tau duae pajajiatta. Nassabarini natopada mabela pole ri paccallanna puang Allahu ta’alah natopada salama lino lettu ahera insya’ Allah.

Upumenasai tutu'i katobbaku nasaba dua tellu pappaseng iyanaritu: Engka lima sewwa-sewwa aja lalo nasalaiki:

1.  Aja lalo nasalaiki lampu tempedde iyanaritu tauu'e ri Puang Allah Ta'ala.

2.  Aja lalo nasalaiki bujung temmetti iyanaritu paddissengengnge.

3.  Aja lalo nasalaiki pakeang temmalusa iyanaritu teppe'e ri Puang Allah Ta'ala.

4.  Aja lalo nasalaiki bokong temmawari iyanaritu amala madecengnge.

5.  Aja lalo nasalaiki tonangeng malessi iyanaritu parengngerangnge ri Puang Allah Ta'ala.

Sekian dan terima kasih, lebih dan kurangnya mohon dimaafkan.

بَارَكَ اللهُ لِى وَلَكُمْ فِى اْلقُرْآنِ اْلكَرِيْمِ وَنَفَعَنِى وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ اْلحَكِيْمِ، وَتَقَبَّلَ مِنىِّ وَمِنْكُمْ تِلاَوَتَهُ إِنَّهُ هُوَ السَّمِيْعُ اْلعَلِيْمُ.